Европын холбооны Erasmus+ хөтөлбөрийн хүрээнд хэрэгжиж буй “Монгол Улсад багш боловсролыг ногоон болон дижитал шилжилтэд нийцүүлэн шинэчлэх нь” (RETEACH) төслийн хөндлөнгийн шинжээч, боловсролын зөвлөх Арьяак Навоянд МУИС-ийн Зүүн бүсийн сургуулийн хамт олон төслийн явц, үр дүнгээ танилцууллаа.
Уулзалтын үеэр Сургалт, оюутны хэлтсийн дарга, төслийн багийн гишүүн доктор Н.Баярмаа төслийн хүрээнд хийгдсэн ажлуудын ерөнхий явцыг танилцуулгыг хийлээ. Мөн Эрдэм шинжилгээ, хамтын ажиллагааны хэлтсийн дарга, төслийн багийн гишүүн, профессор Р.Жаргалтуяа тус сургууль дээр шинэчлэн боловсруулж буй “Боловсрол судлал” магистрын хөтөлбөрийн бүтэц, суралцахуйн үр дүнг хэлэлцүүлэв.
